Kağız Miladdan sonra 105-ci ildə çinli Tsay Lun tərəfindən ixtira
edilmişdir.Çinlilər bu ixtiranın sirrini uzun müddət gizli saxladılar.
751-ci ildə Tyan-Şan dağları ətəyində ərəb ordusu ilə Çin ordusu
qarşılaşdı.Bu döyüşdə ərəblər bir neçə çinli kağız sənətkarını əsir
götürdülər və onlardan kağız emalının sirrini öyrəndilər.Səmərqənddə
kağız fabriki tikdirildi.Uzun müddət Səmərqənd kağızı dünyada ən
keyfiyyətli kağız sayılmışdır.
Avropa xalqları arasında kağız istehsalını ilk olaraq ispanlar
mənimsədilər.İtaliyada kağız istehsalına 1154-cü ildə,Almaniyada 1228-ci
ildə,İngiltərədə 1309-cu ildə başlandı.
Azərbaycanda kağız istehsalına Avropadan xeyli qabaq başlamışlar.9-cu
əsrin sonunda Xunəc şəhərində kağız fabriki fəaliyyət
göstərmişdir.Sonralar bu şəhər Kağızkunan adlandırılmışdır.Böyük
mütəfəkkir Fəzlullah Rəşidəddin də Təbriz yaxınlığında kağız fabriki
tikdirmişdi.