Bu gün dünya ölkələrində insanları narahat edən məsələlərdən biri də
mobil telefonlarına onlardan xəbərsiz qulaq asılıb-asılması,
telefonlarına gələn SMS-lərin, məktubların başqaları tərəfindən
oxunub-oxunmamasıdır.
Bunu bilməyin 6 yolu var...
Bu gün dünya ölkələrində insanları narahat edən məsələlərdən biri də
mobil telefonlarına onlardan xəbərsiz qulaq asılıb-asılması,
telefonlarına gələn SMS-lərin, məktubların başqaları tərəfindən
oxunub-oxunmamasıdır. Artıq müasir texniki imkanlar həvəskar müdirin,
qısqanc həyat yoldaşının, o cümlədən telefon dələduzlarının bu yoldan
istifa etməsini asanlaşdırıb. Ancaq zamanında bunun fərqinə varıb,
dinlənilmədən can qurtarmağın yolları da var.
Əgər mobil telefonunuza qulaq asılırsa, telefonunuz dinlənirsə, bunun
6 əlaməti var və həminə əlamətlər üzrə dinlənildiyinizi müəyyənləşdirə
bilərsiniz.
Birincisi, əgər mobil telefonunuzdan istifadə etmədiyiniz halda
onun batareyasında temperatur yüksəkdirsə, deməli, dinlənirsiniz. Çünki
batareya hər şeydən əvvəl ölçüsüz istifadə zamanı qızmağa başlayır.
İkincisi, dinlənilmə zamanı mobil telefonun batareyası qısa müddətdə
boşalır. Bu da sizi artıq təhlükədən xəbərdar etməlidir. Üçüncüsü, əgər
telefonu söndürən zaman çox parlaq işıqlanma müşahidə olunursa, uzun
müddət temperaturu yüksək qalırsa, yaxud ümumiyyətlə telefonu söndürmək
olmursa, deməli, dinlənirsiniz. Buna görə də daim telefonu söndürərkən
müşahidə etməlisiniz ki, qeyri-adilik olan zaman bunu tez aşkara
çıxarasınız.
Dördüncüsü, əgər telefonunuzun qəfil işığı yanırsa, öz-özünə hansısa
əlavəni yükləyirsə, yaxud sönürsə, bu qəribə aktivlik də telefonunuzun
dinlənilməsindən xəbər verir. Beşincisi, mobil telefonla danışdığınız
zaman xışıltı, səs-küy müşahidə olunursa, əks-səda varsa, yaxud
telefonla danışmadığınız halda belə sanki telefonda nəbz vurmanı
xatırladan səs-küy eşidirsinizsə, bu da bir əlamətdir.
Nəhayət, telefonunuzdan elektrik qurğularının (məsələn, televizor)
yaxınlığında istifadə edirsinizsə və bu zaman danışığınızın
eşidilməsinə, sizin danışdığınız şəxsin səsini eşitməkdə çətinlik
müşahidə olunursa, deməli, telefonunuzun gövdəsinə izləmə qurğusu
yerləşdirilib...
mənbə: LENT.AZ